ഈന്തപ്പഴം അവല്‍ പായസം

ഈന്തപ്പഴം  അവല്‍  പായസം 

ആവശ്യം ഉള്ള സാധനങ്ങള്‍ 

ഈന്തപ്പഴം -  1 കപ്പ്‌ 

അവല്‍         -  2 കപ്പ്‌ 

പാല്‍              - 2കപ്പ്‌ 

വെള്ളം         - 2കപ്പ്‌ 

                  പഞ്ചസാര   -  ആവശ്യത്തിന്

    ഏലയ്ക്കാ      -  8 എണ്ണം

                      നെയ്യ്              - 2 ടേബിള്‍ സ്പൂണ്‍ 

                                കുങ്കുമപ്പൂ -  1 നുള്ള് (നിര്‍ബന്ധം ഇല്ല )

               വാനില എസ്സന്‍സ് -   2 തുള്ളി

                 കപ്പലണ്ടി 

                കശുവണ്ടി 

                      ഉണക്കമുന്തിരി 

ഉണ്ടാക്കുന്ന വിധം 

 കുരുകളഞ്ഞ ഈന്തപ്പഴം 1 കപ്പ് പാലില്‍ വേവിച്ച് അരിപ്പയില്‍ അരിച്ച് എടുക്കുക.

ബാക്കിയുള്ള പാലും വെള്ളവും ചേര്‍ത്ത് തിളപ്പിക്കുക

ഇതിലേക്ക് അവല്‍ ഇട്ട് ഇളക്കുക

പാല്‍ തിളച്ചു തുടങ്ങുമ്പോള്‍ ഈന്തപ്പഴ സത്ത് ഒഴിച്ച് ചെറു തീയില്‍ വേവിക്കുക .
അടിയ്ക്ക് പിടിക്കാതെ ഇടയ്ക്കിടയ്ക്ക് ഇളക്കി കൊടുക്കണം ഈ സമയം മധുരം വേണമെങ്ങില്‍ ആവശ്യത്തിനു പഞ്ചസാര ചേര്‍ക്കാം

കപ്പലണ്ടി ,കശുവണ്ടി ,ഉണക്കമുന്തിരി  എന്നിവ നെയ്യില്‍ വറുത്തു കോരുക .

പാല്‍ കുറുകാന്‍ തുടങ്ങുമ്പോള്‍ വറുത്തു വെച്ചിരിക്കുന്ന സാധനങ്ങള്‍ ചേര്‍ക്കുക, ഏലയ്ക്കാ പൊടിച്ചതും വാനില എസ്സന്‍സും കുങ്കുമപ്പൂവും ചേര്‍ത്ത് ഇളക്കി വാങ്ങുക

ചൂടോടെ വിളമ്പുക

വെളുത്തുള്ളിയും കുരുമുളകും

      ഇന്ന് ചോറിനു കൂട്ടാന്‍ ഉരുള കിഴങ്ങു  മെഴുക്കു പുരട്ടി മാത്രമെ ഉള്ളു, മോരില്ല, അച്ചാര്‍ ഇല്ല അടുക്കളയില്‍ കൂട്ടാന്‍ വെക്കാന്‍ കാര്യമായി ഒന്നുമില്ല, അസമയത് കടകളും ഇല്ല

       അടുക്കള മൊത്തം  തപ്പി നോക്കിയപ്പോള്‍ മൂന്നു നാല്  അല്ലി വെളുത്തുള്ളി കിട്ടി.എന്നാപിന്നെ ഒരു താജ്മഹല്‍ അങ്ങ് പണിയാം. 

        അഞ്ചെട്ടു കുരുമുളകും വെളുത്തുള്ളിയും ഉപ്പും കൂട്ടി നല്ലപോലെ ചതച്ചെടുത്ത് കുറച്ചു വെളിച്ചെണ്ണയും തൂകി,  

റൊമ്പ പ്രമാദം .

****

വട്ടയപ്പം

അരി                                           2  കപ്പ്

തേങ്ങ                                         1 കപ്പ്

പഞ്ചസാര                                 ആവശ്യത്തിന് 

ജീരകം                                        1 നുള്ള് 

വെളുത്തുള്ളി                         3 അല്ലി

ചുമന്നുള്ളി                               2 എണ്ണം 

ഉപ്പ്                                             ആവശ്യത്തിന്

യീസ്റ്റ്                                            1 സ്പൂണ്‍

ഉണ്ടാക്കുന്ന വിധം 

 കുതിര്‍ത്ത അരി,തേങ്ങ, ജീരകം, വെളുത്തുള്ളി, എന്നിവ നല്ലവണ്ണം അരയ്ക്കുക. ഇതിലേയ്ക്ക് പഞ്ചസാര, യീസ്റ്റ്, ഉപ്പ് എന്നിവ ചേര്‍ത്ത് പത്തു പന്ത്രണ്ടു മണിക്കൂര്‍ വെയ്ക്കുക, നല്ലവണ്ണം പുളിച്ച മാവില്‍ ചുവന്നുള്ളി അരച്ചതും ചേര്‍ക്കുക. ഒരു സ്റ്റീല്‍പ്ലേറ്റില്‍  നെയ്‌ പുരട്ടി മാവ് കോരി ഒഴിക്കുക. മുകളില്‍ കിസ്മിസ്‌ അണ്ടിപരിപ്പ് എന്നിവ വറത്തത് വെച്ച് അലങ്കരിക്കാം. ഇത് ആവിയില്‍ പുഴുങ്ങി എടുക്കുക. രുചികരമായ വട്ടയപ്പം തയാര്‍.

ഉപ്പുമാവ്

വേണ്ട സാധനങ്ങള്‍

1. റവ                             1  കപ്പ്‌
2. സബോള                  1 എണ്ണം (ഇടത്തരം ) 
3. പച്ചമുളക്‌               2 എണ്ണം  
4. ഇഞ്ചി                        1 കഷണം
5. കറിവേപ്പില          1  തണ്ട്
6. ഉപ്പ്                            ആവശ്യത്തിനു
7. കടുക്                        1 നുള്ള്
8. വെളിചെണ്ണ           1  സ്പൂണ്‍
9. വെള്ളം                    1   കപ്പ്‌ 

തയാറാക്കുന്ന വിധം

റവ വറത്ത് മാറ്റി വെക്കുക

ഒരു തവയില്‍ എണ്ണ ചൂടാക്കി കടുക് പൊട്ടിക്കുക, അതിലേക്കു ചെറുതായി അരിഞ്ഞ് വെച്ചിരിക്കുന്ന ഉള്ളി ചേര്‍ത്ത് വഴറ്റുക ഉള്ളി ചൂടായി കഴിഞ്ഞു അരിഞ്ഞ് വെച്ചിരിക്കുന്ന പച്ചമുളകും ഇഞ്ചിയും ചേര്‍ക്കുക  ഇവ നല്ലവണ്ണം വഴണ്ട് കഴിയുമ്പോള്‍ കറിവേപ്പില  ചേര്‍ക്കുക. അതിനു ശേഷം ഒരു കപ്പ്‌ വെള്ളം ഒഴിക്കുക. ഈ സമയത്ത് തന്നെ ഉപ്പും ചേര്‍ക്കുക. വെള്ളം തിളച്ചു കഴിയുമ്പോള്‍ തീ കുറച്ചതിന് ശേഷം വറത്ത് വെച്ചിരിക്കുന്ന റവ അതിലേക്കു കുറേശെ ഇട്ടുകൊടുക്കുക റവ ഇട്ടുകൊണ്ടിരിക്കുമ്പോള്‍ തന്നെ  ഇളക്കികൊണ്ടിരിക്കണം ഇല്ലങ്കില്‍ ഉപ്പുമാവ് കട്ട കെട്ടും. നല്ലവണ്ണം ഇളക്കി യോജിപ്പിച്ച് കഴിയുമ്പോള്‍ തീ കെടുത്തി രണ്ടു മിനിട്ട് അടച്ചു വെക്കുക സുന്ദരന്‍ ഉപ്പുമാവ് റെഡി.

ചില പൊടികൈകള്‍

• റവ വറുക്കുമ്പോള്‍ നാലഞ്ച് തുള്ളി നെയ്‌ ചേര്‍ത്താല്‍ രുചി കൂടും.
• കാരറ്റ്ചെറുതായിഅരിഞ്ഞ് ഉള്ളിയോടൊപ്പം വഴറ്റി ചേര്‍ത്താല്‍ കൂടുതല്‍ ആകര്‍ഷകം ആക്കാം
•  കിസ്മിസ്, അണ്ടിപരിപ്പ് മുതലായവ  വറത്ത് ചേര്‍ത്ത് ഉപ്പുമാവിനെ കൂടുതല്‍ പൊലിപ്പിക്കാം. ഇതൊക്കെ മനോധര്‍മം

ഗോതമ്പ് ദോശ

വളരെ പെട്ടന്ന്  ഉണ്ടാക്കാന്‍ പറ്റുന്ന ഒരു പലഹാരമാണ് ഇത്. 

 

ആവശ്യമുള്ള സാധനങ്ങള്‍

1. ഗോതമ്പ് പൊടി         1 കപ്പ്
2. പഞ്ചസാര                   1  ടീ സ്പൂണ്‍     
3. പാല്‍                              1 കപ്പ്
4. മുട്ട                                   1 എണ്ണം
5. ജീരകം                           1നുള്ള്
6. ഏലയ്ക  പൊടി       1നുള്ള്
7. ഉപ്പ്                                 പാകത്തിന്
8. ചൂട്  വെള്ളം              ആവശ്യത്തിന്

ഉണ്ടാകുന്ന വിധം

 

2, 3, 4, ചേരുവകള്‍ നല്ലവണ്ണം യോജിപ്പിക്കുക അതിലേക്കു ഗോതമ്പുപൊടി ചേര്‍ത്തതിനു ശേഷം ചൂട് വെള്ളം ഒഴിച്ച് ദോശയുടെ പരുവത്തിന് കുഴച്ചെടുക്കുക. ഇതില്‍ ഉപ്പ്, ഏലയ്ക്ക, ജീരകം എന്നിവ ചേര്‍ത്തിളക്കുക നല്ലവണ്ണം ചൂടായ ദോശക്കല്ലില്‍ ചെറുതീയില്‍ ചുട്ടെടുക്കുക

 

 

രാവിലെ താമസിച്ച് ഉണരുന്നവര്‍ക്ക് ഓഫീസില്‍ ഇരുന്ന് ഉപവസിക്കാതിരിക്കാന്‍ ഒരു നല്ല മാര്‍ഗമാണ് ഈ പലഹാരം 

 

ഇത്തിരി മുളകുപൊടിയും പുളിയും ഉപ്പും ചേര്‍ത്തിളക്കി വെള്ളത്തില്‍ ചാലിച്ച് സ്വല്പം എണ്ണ തൂകിയാല്‍ ഒന്നാംതരം കൂട്ടാനുമായി.